Javë zhgënjyese për klubet gjilanase, humb edhe Drita

Java e 11-të e Albi Mall Superligës së Kosovës në Futboll doli të jetë zhgënjyese për të dyja skuadrat gjilanase, Drita e Gjilani, që garojnë në elitën e futbollit kosovar.

Derisa dje, Gjilani humbi nga Dukagjini, sot Drita u mposht nga Drenica, duke bërë që të dyja këto skuadra këtë javë ta mbyllin pa pikë.

Kur jemi te ndeshja që u luajt sot në stadiumin “Bajram Aliu” në Skenderaj, Drenica mundi Dritën (3:1).

Skuadra bardh e kaltër ishte ajo që kaloi në epërsi përmes me golin e Albert Dabiqajt (56’), por Drenica arriti të përmbysë gjithçka me dy golat e Ronaldo Chacon (64’, 73’) dhe më pas shënoi edhe Kreshnik Uka (76’), për rezultatin përfundimtar.

Kur jemi te skuadrat gjilanase, pas kësaj xhiroje, Drita është e katërta me 17 pikë, e Gjilani i nënti në tabelë me 11 pikë.  /2LONLINE/