Java e pestë për skuadrat gjilanase mundësi për t’u këndellur!
Të dielën zhvillohet java e pestë e Albi Mall Superligës së Kosovës në Futboll. Dy skuadrat gjilanase që bëjnë gara në elitën e futbollit kosovar, FC Drita e SC Gjilani luajnë kundër Prishtinës së Re, përkatësisht Ferizajt.
Kjo javë është një mundësi e mirë që skuadrat gjilanase të këndellen, pasi në këto katër xhiro nuk u ka ecur siç është pritur apo siç është dashtë t’u ecë.
Kampionia aktuale Drita, duket se energjinë edhe e ka derdhur, por edhe e ka të fokusuar akoma në garat evropiane ku është skuadër e cila vazhdon tutje në fazën e grupeve të “UEFA Conference League”, ndërkohë që në elitën e futbollit kosovar nuk ka nismë të mirë, transmeton 2LONLINE.com.
Madje, kjo skuadër kampione, në këto katër xhiro, akoma ka mbetur pa e shijuar fitoren. Është e parafundit në tabelë, me vetëm dy pikë, pasi ka dy humbje e dy barazime. Ka humbur nga Ferizaj dhe Drenica, ka barazuar me Prishtinën dhe Llapin.
Skuadra që drejtohet nga kryetrajneri Zekirija Ramadani, i mbetet ta gjej rrugën e fitores në takimin e së dielës, kur Drita ballafaqohet para shikueseve të saj me Prishtinën e Re, ndeshje që fillon në ora 15:00.
Skuadra tjetër gjilanase, SC Gjilani, ndonëse me pikë qëndron ma mirë se Gjilani, në tërësi, nëse i referohemi këtyre katër xhirove, ka probleme të theksuar sidomos me mbajtjen e ritmit të lojës së mirë, kuptohet kur e gjen atë. Herë luan një lojë të mirë e herë një lojë zhgënjyese, pra paqëndrueshmëri. Kjo e bënë një skuadër të luhatshme nga takimi në takim. transmeton 2LONLINE.com.
SC Gjilani duhet ta gjej, nëse nuk e ka gjetur akoma çfarë nuk po shkon, dhe t’i ndal këto “vibrime”, ta mbajë qetësinë te loja e mirë, që natyrisht të sjellë edhe fitore e pikë, e të vazhdojë me atë ritëm.
Tani për tani, SC Gjilani ka një fitore kundër Prishtinës, një barazim me Ballkanin dhe dy humbje, njërën humbje nga Dukagjini e tjetrën nga Malisheva, ka katër pikë dhe mban pozitën e shtatë.
Në xhiron e pestë që e luan të dielën në ora 15:00, skuadra kuq e bardh që drejtohet nga kryetrajneri Ardian Nuhiu udhëton për në Ferizaj, një mundësi për t’u këndellur e kthyer drejtimin kah pjesa e epërme e tabelës, aty ku i ka shpërfaqë edhe synimet se synon të jetë.
Përndryshe, ja më poshtë qiftet e javës së pestë të Albi Mall Superligës së Kosovës në futboll. /2LONLINE/
