Java e fundit përcaktuese në Ligën “Agim Ramadani”

(2L ONLINE) – Vikendi që po lëmë pas kishte përgatitur ndeshjet e xhiros së katërmbëdhjetë në Ligën “Agim Ramadani”. Pas rezultateve të arritura në këtë javë, gjithçka mbetet e hapur për xhiron e fundit e cila pritet të jetë përcaktuese. Sa i përket dy pozitave të para janë vërtetuar The Living Room dhe Vëllezërit Aliu që falë fitoreve ndaj Policisë dhe Eurollotos kanë blinduar vendet e tyre. Por, lufta më e ashpër pritet të zhvillohet për një vend që dërgon në play off në pozitat 10,9 dhe 8.

Për një pozitë të tillë në javën e fundit do të luftojnë Dobërqani e cila ndeshet me MobiCasan, Dalia që përballë do të ketë Policinë dhe Eurolloto që do të sfidohet nga FSK. Tri skuadra për një pozitë. Një gjë është e sigurt, java e fundit do na dhurojë ndeshje të bukura dhe mjaft interesante.

Nga ky vikend veçohet fitorja e lartë e MobiCasas ndaj Djemtë e Qytetit, 10 golëshi i Ersin Ramadanit futbollistit të Living Roomit në përballje me Policinë dhe barazimi dramatik i ndeshjes Verbica dhe Dalia.

/Drilon SYLEJMANI/ 2L ONLINE/