“Java e Frankofonisë”: Inaugurohet hapësira frankofone në Bibliotekën e Qytetit në Gjilan

Kanë vazhduar aktivitetet e “Javës së Frankofonisë” në Gjilan.

Është bërë inaugurimi i hapësirës frankofone në Bibliotekën e Qytetit në Gjilan.

Po ashtu u mbajt edhe konferenca “Ndikimi i teknologjive të informacionit dhe rrjeteve sociale në sistemin arsimor në Francë dhe Kosovë”.

Kryetari i Komunës sē Gjilanit, Alban Hyseni, tha se është kënaqësi e veçantë që në kuadër të aktiviteteve të parapara për këtë javë bënë inaugurimin e Hapësirës Frankofone në Bibliotekën e qytetit tonë.

“Në këtë ambient të hapësirës së re, u mbajt edhe konferenca mbi ndikimin e teknologjisë në arsim, duke synuar hapjen e rrugëve të reja të bashkëpunimit mes Kosovës dhe Francës”, tha Hyseni.

I pari i komunës theksoi se Gjilani, si “Kryeqytet i Frankofonisë” për këtë vit, po dëshmon se është një qendër e hapur ndaj kulturës, inovacionit dhe shkëmbimit akademik.

Ai ftoi qytetarët që t’i ndjekin aktivitetet e shumta që na presin gjatë kësaj jave.

Në ceremoni ishin edhe këshilltari për Bashkëpunim dhe Veprimtari Kulturore, Edouard Mayoral, drejtor i Institutit françez në Ambasadën e Francës në Kosovë dhe sekretarja e përgjithshme në Departamentin për Bashkëpunim dhe Verimtari Kulturore në Ambsadën e Francës në Kosovë Fikrije Pllashniku Tetaj.

Po ashu ishin edhe deputetë nga Kuvendi i Kosovës, Liza Gashi e Arjeta Rexhepi dhe zyrtarë tjerë institucionesh. /2LONLINE/