Java e 21-të e bereqetshme për skuadrat gjilanase, fitojnë edhe Drita edhe Gjilani

Sot janë zhvilluar tri ndeshjet e javës së 21-të në Superligën e Kosovës në Futboll, e ku dy skuadrat gjilanase, Drita dhe Gjilani kanë shënuar fitore ndaj kundërshtarëve të tyre, Llapit, përkatësisht, Prishtinës.

Kampionia aktuale, FC Drita, me këtë fitore ka tani 38 pikë dhe rrëmben kreun e tabelës, e SC Gjilani me tri pikë të reja grumbulloi 30 pikë, mbetet në pozitën e 6-të të tabelës, por që hedh një hap të rëndësishëm tutje drejt synimit që ka, sigurimin e pozitës që e dërgon në garat evropiane.

Kur jemi te ndeshjet e sotme, pra rezultati final, Llapi – Drita, 0-2. Golashënues Blerton Sheji në minutën e 64-të dhe Veton Tusha në minutën e 89-të.

Ndërsa, Gjilani në terren të vet mundi Prishtinën 1:0. Golashënues Edi Basa në minutën e 37-të.

Në takimin e tretë u ballafaquan Ferizaj dhe Ballkani, rezultati 2:1.   /2LONLINE/