Janë tre vetë nga Grupi i Drenicës që janë arratisur nga QKUK-ja

Arratisja e disa prej pjesëtarëve të akuzuarve në Grupin e Drenicës, është e vërtetë. Këtë e ka konfirmuar Shemsi Hajrizi, drejtori i Sherbimit Korrektues. Pa dhënë detaje të mëtejme ai thotë se janë tre vetë nga Grupi i Drenicës që janë arratisur nga QKUK-ja.

Edhe Drejtori për siguri i Shërbimit korrektues për Kosovën, Sokol Zogaj, ka konfirmuar për KosovaPress, se Ismet Haxha, Sami Lushtaku dhe Sahit Jashri janë arratisur sot nga QKUK-ja rreth orës 13:30. Ai thonë se nuk kanë më asnjë informatë nga Policia e Kosovës.

Ndërkohë të afërmit e familjes Lushtaku, i kanë thënë KosovaPress-it se pas pak, së bashku me avokatët do të sqarohet e gjitha ajo që po ndodhë.