Jahjaga: Të punojmë për shtet

Presidentja në largim, Atifete Jahjaga, ka deklaruar se sot është dita që simbolizon bashkimin për ta ndërtuar shtetin, pa e sfiduar demokracinë e brishtë të Kosovës. Jahjaga në manifestimin për nderë të “Epopesë së UÇK-së”, ka thënë se të gjithë qytetarët e Kosovës, përkulën para atyre burrave dhe grave që e deshën lirinë. “Sot është dita që simbolizon bashkimin, ku duhet më shumë respekt e dashuri, pa e sfiduar demokracinë e brishtë të saj. Sot është dita që duhet hequr dorë nga inatet për të punuar për një shtet të së drejtës. Sot është koha për Kosovën, e cila është një realitet i pa kthyer dhe është koha që FSK-ja të kthehet në Forcë të Armatosur”, ka deklaruar Jahjaga.
Ndërkaq komandanti i FSK-së, Rrahman Rama, ka thënë se do të nderojnë të gjithë ata që u sakrifikuan që ne të jetojmë të lirë dhe gjeneratat e reja të kenë një të ardhme të sigurt.

Ai ka shtuar se duhet të ndërtojmë identitetin tonë që ka dalë nga e kaluara e lavdishme. “FSK-ja është forcë profesionale mbi vlera kombëtare e perëndimore që është e gatshme t’u dalë në ndihmë qytetarëve”, ka thënë Rama.

http://epokaere.com/index.aspx?SID=13&PMID=2&LID=2&ACatID=1&AID=81636&Ctype=1