Presidentja e Kosovës Atifete Jahjaga ka pritur në një akim abasadorin e Arabisë Saudite në Tiranë, jorezident për Kosovën, Talat Salem Radwan, i cili i dorëzoi letrat kredenciale.
Presidentja Jahjaga vlerësoi mbështetjen që Arabia Saudite i ka dhënë institucioneve të Republikës së Kosovës për proceset e shtetndërtimit.
Ajo theksoi se marrëdhëniet midis dy vendeve janë shumë të mira dhe shprehu përkushtimin që ato marrëdhënie të thellohen edhe më tej në të gjitha fushat me interes të ndërsjellë.
Presidentja Jahjaga e uroi ambasadorin Radwan për detyrën e re, duke i dëshiruar punë të suksesshme gjatë mandatit të tij.
Ambasadori i Arabisë Saudite, Talat Salem Radwan, tha se do të angazhohet për avancimin e bashkëpunimit me institucionet e Republikës së Kosovës.
Jahjaga ka pritur sot në takim edhe Kwami Christophe Dikenou, ambasador i Togos në Berlin, jorezident për Kosovën, i cili i dorëzoi letrat kredenciale.
