Jahjaga flet me opozitën për tejkalimin e gjendjes së krijuar në vend

Presidentja e Republikës së Kosovës, Atifete Jahjaga, priti sot në takim kryetarët e partive politike parlamentare, Visar Ymerin, kryetar i Lëvizjes Vetëvendosje, Ramush Haradinajn, kryetar i Aleancës për Ardhmërinë e Kosovës dhe Fatmir Limajn, kryetar i NISMA për Kosovën, për të biseduar për zhvillimet aktuale politike në vend dhe mundësitë e daljes nga situata e krijuar.

Takimi i Presidentes Jahjaga me udhëheqësit e partive politike parlamentare është zhvilluar në kuadër të nismës për tejkalimin e gjendjes së krijuar në vend.