Ja rezultatet e Klubit të Xhudos “Gjilani”

Gara ndërkombëtare “Gjilani Open 2026”, ka kthyer vëmendjen e sportdashësve drejt një rrugëtimi plot emocione, rivalitet të shëndoshë dhe talent të jashtëzakonshëm.

Esat Selimi dhe Ibraim Hasani trajnerë të xhudos të Klubit të Xhudos “Gjilani” thanë se përveç garuesve vendor, ky edicion ka mirëpritur një pjesëmarrje të gjerë dhe elitare të sportistëve nga mbarë rajoni, përfshirë përfaqësues nga Shqipëria, Mali i Zi, Maqedonia e Veriut, Bullgaria, të cilët kanë sfiduar njëri-tjetrin për titujt kryesorë.

Sipas tyre, përtej garës së fortë në fushë, ky eveniment shërben si një urë e fuqishme lidhëse për bashkëpunimin rajonal, duke promovuar vlerat më të larta të sportit, disiplinës dhe miqësisë ndërmjet popujve të Ballkanit.

Kur jemi te rezultatet e klubit ja sukseset:

Vendi i Parë – Medalja e Artë
Ata që dominuan në kategoritë e tyre dhe treguan një nivel superior përgatitjeje:

Isra Halimi
Agnesa Berisha
Anel Maliqi
Elisa Osmani
Arton Sylejmani
Djellza Sylejmani

Vendi i Dytë – Medalja e Argjendtë
Guximi dhe performanca e tyre e shkëlqyer i çoi vetëm një hap larg kreut, duke dëshmuar potencial të jashtëzakonshëm:

Almir Ramadani
Rilind Sylejmani
Naim Krasniqi
Ilirjan Krasniqi

Vendi i Tretë – Medalja e Bronztë
Me vullnet të çeliktë dhe luftë deri në sekondat e fundit, ata siguruan një vend të merituar në podium:

Belkiza Rexha
Ylljeta Sylejmani
Luan Berisha
Ema Fejzullahu

“Përgëzime të përzemërta për të gjithë kampionët tanë! Ky sukses është vetëm fillimi i një rrugëtimi të gjatë plot arritje në arenën ndërkombëtare. Faleminderit që lartësuat emrin e sportit tonë”, urojnë trajnerët Esat Selimi dhe Ibraim Hasani.   /2LONLINE/