Ja me kë do të jetë në Grup, Kombëtarja U21 e Kosovës në hendboll

Kombëtarja U21 e Kosovës në hendboll do të luajë në Grupin C në kampionatin botëror të juniorëve që gjatë korrikut mbahet në Spanjë.

Në shortin e hedhur të martën, Kosova ka rënë në një grup me Portugalinë, Kroacinë, Hungarinë, Brazilin e Bahrejnin.

Është hera e parë që një kombëtare e Kosovës do ta paraqitet në botëror.  Kosova në short ishte në vazon e fundit. Shorti u hodh në Pontevedra të Spanjës.

Në Grupin A janë Sllovenia, Spanja, Serbia, Tunizia, Japonia e SHBA-ja.

Në grupin B garojnë Franca, Egjipti, Suedia, Nigeria, Korea e Australia.

Ndërsa në grupin D garojnë Gjermania, Islanda, Norvegjia, Argjentina, Danimarka e Kili.