Ja kandidatët për deputet nga AAK-ja e Gjilanit

(2LONLINE) – Ndonëse ende jo zyrtarisht, mësohet se AAK-ja e Gjilanit veç i ka gati emrat e kandidatëve që pret t’i bashkohen listës së tërësishme të këtij subjekti politik me të cilët do të konkurrojë në zgjedhjet e parakohshme nacionale që pritet të mbahen me 8 qershor. Pritet që vetëm formalisht të marrin bekimin e strukturave partiake në Degë.

Portali 2Lonlie mëson se janë pesë emra të cilët pitet të jenë pjesë e listës së përgjithshme të AAK-së, e ata janë Rexhep Kadriu kryetar aktual i Degës së AAK-së në Gjilan, njëherësh nënkryetar komune, Ahmet Isufi, ish deputet dhe nënkryetar në nivelin qendror, Nijazi Idrizi, po ashtu ish deputet deri në shpërbërjen e Kuvendit, Magbule Shkodra, aktualisht punonjëse në ARKEP (Autoriteti Rregullativ i Komunikimeve Elektronike, Prishtinë) dhe Fehmi Fetahu që vije nga fusha e biznesit (pronar-Kompleksi Vali Ranch).

Pritet që në vijim këto emra t’i dërgohen nivelit qendror që do ta bëjë gati listën me të gjithë kandidaturat dhe drejtues të AAK-së në Gjilan presin që emrat e propozuar prej Gjilanit do të zënë të gjithë vend në listën përfundimtare prej 120 kandidatëve.

Përndryshe, këto zgjedhje nacionale janë të mirëpritura nga kreu i AAK-së në Gjilan Rexhep Kadriu që thotë për 2Lonline se me shpërbërjen e parlamentit dhe shkuarjen në zgjedhje të parakohshme ndërpritet keqqeverisja me vendin dhe krijohet mundësia për një qeverisje të re, ndryshe nga kjo që ishte deri më tani, e kështu hapet një epokë e re për Kosovën, e me këtë edhe për Rajonin e Anamoravës, që sipas Kadriut, qeverisja e deritanishme në krye me kryeministrin Thaçi e kishte lënë krejtësisht pas dore, gjë që, sipas tij, nuk do të ndodh kurrë më, nëse AAK qeverisë me vendin. /2lonline/

Rexhep KADRIU

Ahmet ISUFI

Nijazi IDRIZI

Magbule SHKODRA

Fehmi FETAHU