Izmi Zeka emërohet shef i shtabit zgjedhor të PDK-së në Gjilan

Partia Demokratike e Kosovës (PDK), Dega në Gjilan, ka emëruar, Izmi Zekën, shef të shtabit zgjedhor për zgjedhjet lokale të 12 tetorit.

“Ky vendim pasqyron rëndësinë që PDK i kushton organizimit dhe mobilizimit në prag të fushatës zgjedhore, duke i besuar këtë detyrë një personaliteti me përvojë të gjatë në politikë dhe institucione shtetërore”, thuhet në njoftim.

Izmi Zeka ka qenë për vite të tëra pjesë aktive e jetës politike dhe shoqërore në Kosovë, duke mbajtur funksione të ndryshme udhëheqëse dhe duke dëshmuar përkushtim ndaj proceseve demokratike dhe zhvillimit të vendit.

“Me emërimin e tij, PDK e Gjilanit synon të forcojë strukturat e brendshme dhe të garantojë një fushatë dinamike, gjithëpërfshirëse dhe fituese, duke mbështetur kandidatin për kryetar të komunës, Riad Rashiti”.

“Përvoja e gjatë e Izmi Zekës në politikë dhe institucione është një garanci shtesë për suksesin tonë në zgjedhjet e 12 tetorit. Ai do të udhëheqë me profesionalizëm dhe përkushtim të madh punën e shtabit zgjedhor”, thuhet në njoftimin e PDK-së.  /2LONLINE/