Isufi: Vendi ynë është i lirë sepse në themelet e kësaj lirie pushojnë Dëshmorët e Kombit

Ahmet Isufi, ish komandant i UÇK-së në Zonën Operative të Karadakut (ZOK), ka thënë se po bëhen 27 vjet nga Beteja e Zhegocit, ngjarje kjo e cila u radhit në mesin e betejave që i dhanë vulën historike lirisë së Kosovës.

Isufi ka thënë se vendi ynë sot është i lirë sepse në themelet e kësaj lirie pushojnë luftëtarët e përjetshëm, Dëshmorët e Kombit, ata që u bënë dritë për atdheun.

“Në kujtim të kësaj beteje sot vendosëm buqeta lulesh në vendet e shenjta të lirisë, në Kodrën e Dëshmorëve, në Lapidarin te Hanet e Zhegocit, në Shkollën e Kishnapolës e të Gadishit dhe morëm pjesë në Akademinë Përkujtimore kushtuar kësaj beteje.  Lavdi dëshmorëve të rënë në Betejën e Zhegocit. Respekt e mirënjohje përjetë, luftëtarëve të lirisë., ka thënë Ahmet Isufi.  /2LONLINE/