/2L ONLINE/ – Në vazhdën e debatit që Kuvendi Komunal i Gjilanit është duke bërë përgjatë seancës së sotme, për çështjen e Teatrit të Qytetit, Nevzad Isufi i Vetëvendosjes ka thënë se nuk duhet lejuar të vazhdojë kjo gjendje në teatër.
“Aty ka vullnet për punë dhe se teatri nuk është vetëm i aktorëve por edhe i qytetit, qytetarëve, artdashësve… andaj duhet gjetur zgjidhje”, ka thënë Isufi. Ai tha tutje se përveç që kanë telashe me marrje ne rrogave me rregull edhe niveli i atyre pagave është i ultë.
Nuk duhet të lihet teatri në mëshirën e askujt por duke u bazuar në ligj të gjendet zgjidhja që të funksionojë teatri, ka kërkuar ai. Teatri është neglizhuar deri më tani, ka thënë tutje Isufi i Vetëvendosjes.
Teatri nuk duhet të lejojmë të funksionojë në periudha të caktuara por duhet të funksionojë përherë. Duhet të mendohet financimi i përhershëm e jo të lihen në mëshirën e fatit dhe të gjetjes së zgjidhjeve të herëpashershme. por duhet zgjidhje e përhershme. /2L ONLINE/