Isufi: Shembulli i heroizmit të Bardhit, do të shërbejë si udhërrëfim për brezat e rinj

Ahmet Isufi, ish komandant i UÇK-së, i Zonës Operative të Karadakut (ZOK), ka thënë se sot bashkë me familje dhe bashkëluftëtarë, bënë homazhe në Varrezat e Dëshmorëve dhe kujtuan angazhimin luftarak, të njërit prej luftëtarëve më të devotshëm Fadil Jakupi – Bardhi”.

“I edukuar dhe i frymëzuar në një familje dhe shoqëri patriotike Bardhi po zbatonte në praktikë idealin e brezave që kishin sakrifikuar për lirinë”, ka thënë Isufi.

Ai shtoi se shembulli i heroizmit të Bardhit, do të shërbejë si udhërrëfim për brezat dhe do të mbetet simbol i shenjtë i luftës titanike të UÇK-së.

“Lavdi e përjetshme, Dëshmorit të Kombit, Fadil Jakupi-Bardhi. Nder dhe respekt, për të gjithë bashkëluftëtarët që ishin në një rresht me të”, ka thënë Ahmet Isufi, ish komandant i UÇK-së i ZOK-ut.  /2LONLINE/