Ismajli: Shqetësuese që Komuna e Gjilanit tash e katër vite ka mbetur pa investime të huaja

Nënkryetari i Lidhjes Demokratike të Kosovës (LDK), në Gjilan, Arbër Ismajli ka thënë se është e dhimbshme dhe shqetësuese fakti se tash e katër vite asnjë investim i huaj nuk ka arritur në Komunën e Gjilanit.

“Krejt donatorët dhe investitorët e jashtëm na kanë braktisur, duke lënë qytetin tonë pa mundësi zhvillimi dhe rritje ekonomike”, ka thënë Ismajli i LDK-së.

Përndryshe, në zgjedhjet e 12 tetorit, Arbër Ismajli synon postin e të parit të komunës duke qenë kandidat i LDK-së për kryetar komune.  /2LONLINE/