Ismajli premton përkrahje të fuqishme të institucioneve në zhvillimin dhe zgjerimin e bizneseve lokale

Kandidati i LDK-së për kryetar të Komunës së Gjilanit, Arbër Ismajli, ka vizituar biznesin “Natyra” të Ahmet Govorit, prej nga është zotuar se si kryetar i komunës do të ofrojnë përkrahje për sipërmarrësit lokalë.

Postimi i plotë:

Miku ynë dhe sipërmarrësi i suksesshëm, Ahmet Govori, me kompaninë “Natyra” po na bën krenarë të gjithëve me prodhimin e bimëve mjekësore, çajrave të shumëllojshëm dhe produkteve bio 100% organike e të certifikuara.

Ahmet Govori me punën dhe përkushtimin e tij të jashtëzakonshëm si dhe me pasionin dhe besimin në tokën tonë të shenjtë po japin rezultate të mëdha dhe të veçanta.

Përkrahja e fuqishme e institucioneve në zhvillimin dhe zgjerimin e këtyre bizneseve, bënë që këto biznese të jenë ambasadorët më të mirë të vendit tonë, dhe për këtë zotohemi që bashkë do ta jetësojmë potencialin e tyre zhvillimor.

Faleminderit për mikpritjen dhe vullnetin tuaj të jashtëzakonshëm për zhvillimin e Gjilanit të ri.

Bashkë, drejtë rikthimit të qeverisjes në duar të bashkëqytetarëve!