Ismajli: Po punojmë për të siguruar qasje të barabartë personave me aftësi të kufizuara

“Bashkë me Komitetin Konsultativ për Persona me Aftësi të kufizuara, vizituam lagjen Dardania, për të parë nga afër punimet në trotuaret e reja në këtë pjesë, si dhe nevojën që t’iu krijojmë qasje edhe personave me aftësi të kufizuara”.

Kështu ka thënë, nënkryetari i Komunës së Gjilanit, Arbër Ismajli, i cili ka vlerësuar lartë rolin e Komitetit në fjalë, që sipas tij, po luan rol të rëndësishëm, në ngritjen e zërit të përfaqësimit të interesave të kësaj kategorie të shoqërisë, transmeton Portali 2LONLINE.com.

“Ne, do të punojmë bashkërisht, në krijimin e çdo mundësie për përfaqësimin me dinjitet të përfshirjes së nevojave të këtij komuniteti edhe në aspektin infrastrukturor, duke krijuar mundësi të veçanta të lëvizjes për ta”, ka thënë nënkryetari Ismajli.