Ismajli: Me punëtorë të ndershëm, me prodhuesit tanë, do ta ndërtojmë Gjilanin e zhvillimit, të shpresës dhe të krenarisë

“Në vazhdën e takimeve të njëpasnjëshme, bashkë me kandidatin tonë për Asamble Komunale Fatos Ramadani, me shumë kënaqësi vizituam fabrikën “ON TRADE FAB”, një histori suksesi në Gjilan që merret me prodhimin e kontejnerëve me standarde të larta dhe dizajn inovativ”, ka thënë Arbër Ismajli, kandidat i LDK-së për kryetar të Komunës së Gjilanit.

Sipas tij, biznese të tilla janë krah i fuqishëm i zhvillimit të qytetit tonë.

“Për ne, është obligim dhe prioritet mbështetja e prodhuesve të Gjilanit, sepse vetëm kështu ndërtojmë ekonomi të qëndrueshme, krijojmë vende pune dhe i japim qytetit atë që e meriton.

Faleminderit shumë “ON TRADE FAB”, për mirëorganizimin dhe përkushtimin tuaj të jashtëzakonshëm.

Krenar për epitetin e emrit “Made in Gjilan”.

Bashkë me ju, punëtorë të ndershëm dhe me prodhuesit tanë, do ta ndërtojmë Gjilanin e zhvillimit, Gjilanin e shpresës dhe Gjilanin e krenarisë”,  ka thënë Arbër Ismajli.