Ismajli: Ata që se kuptojnë se qeverisja është servis në shërbim të qytetarëve, sovrani i sanksionon me votë!
Arbër Ismajli, nënkryetar i komunës së Gjilanit, në një postim në profilin e tij në facebook, ka shkruar se: ”Ne duhet të jemi të sinqertë me mundësitë dhe kërkesat, sepse shtetbërja dhe mirëqenia e shoqërisë sonë kërkojnë sakrifica ndryshe nga shoqëritë e shteteve të konsoliduara”.
Sipas tij, ata të cilët ende nuk e kanë kuptuar se qeverisja parasegjithash është servis në shërbim të qytetarëve marrin sanksionimin e verdiktit të sovranit me votë!
Ja postimi i tij i plotë:
Zhvillimet dinamike që kërkojnë sfidat e ecjes së shoqërisë sonë, janë përgjegjësi që qeverisja e vendit dhe klasa politike duhet të kthej me përkushtim dhe përgjegjësi obligimet e marra.
Ne duhet të jemi të sinqertë me mundësitë dhe kërkesat, sepse shtetbërja dhe mirëqenia e shoqërisë sonë kërkojnë sakrifica ndryshe nga shoqëritë e shteteve të konsoliduara.
Andaj, sikur postulat kryesor për klasën politike del të jetë dhënia e përgjegjësisë në ushtrimin e qeverisjes. Natyrisht, ata të cilët ende nuk e kanë kuptuar se qeverisja parasegjithash është servis në shërbim të qytetarëve marrin sanksionimin e verdiktit të sovranit me votë!
Unë dua të besoj se ne të gjithë e kemi kuptuar tashmë se kemi obligime dhe përgjegjësi të reja dhe qasjen ndaj tyre duhet ta marrim duke ngritur interesat e përgjithshme mbi ato personale!
Jam këtu të ju thërras të gjithëve, se ne duhet bashkë të ecim për të përbashkëtat. Ngase e mirëqena na takon të gjithëve sikurse përgjegjësitë dhe ngecjet!
Bashkë me suksese të reja!