Ismaili: Të fitojmë për Intelektualët!

(2LONLINE) – Klubi i Futbollit Drita e ka një mundësi të artë për të vazhduar drejt finales dhe për kurorëzim me një trofe në një sezon që nisem jo mirë. Ajo mundësi është Gjysmëfinalja ndaj Feronikelit për Kupën e Kosovës.

“Për bardhë e kaltërtit, alternativa e vetme është fitorja. Uroj që kjo ndeshje të bëhet sa më e bukur, lojtaret duhet të japim maksimumin në fushë, duhet të jemi sa më të qetë”, tha zyrtari i KF.Drita, Besim Ismaili.

Ai tha se në kampionat janë mirë, sidomos me fitoren e fundit dhe lojën e treguar ndaj Fushë Kosovës. Javën e ardhshme presin të marrin pikë të plota ndaj Hysit , ekip ky që është tërhequr nga garat/ “Kjo na bënë të jemi me të qetë dhe të përkushtohemi për ndeshjen e radhës për Digital Kupën e Kosovës u shpreh Ismaili që njëherësh është edhe nënkryetari i bordit të këtij klubi.

Ai pret ta kurorëzojnë me fitore të thellë këtë ndeshje dhe t’u jepet gëzim “Intelektualëve” tifozëve të flakët të këtij klubi. që po e ndjekin në çdo hap.

“KF. Drita është ekipi më i mirë i momentit, duhet ta pranojmë të gjithë, kemi në skuadër lojtarë të dalluar në Superligen e Kosovës si Latifi, Zhdrella,Shabani, B.Shabani, Berbatovci, Ramushi, Limani, etj. Shpresoj të na përcjell fati dhe të shkojmë deri në fund, që ta sjellim trofeun që po i mungon për shumë vite qytetit të Gjilanit dhe të sigurojmë një vend më të mirë në kampionat”, tha Ismaili. /2lonline/