Ish sekretari i NATOS në Kosovë

Ish sekretari i NATOS George Robertson ka ardhur për një vizitë në Kosovë ku do të takohet me udhëheqësit shtetërorë. Robertson do të nderohet nga presidentja Atifete Jahjaga, me një çmim dhe mirënjohje për kontributin e dhënë, duke qenë se njihet si një nga mbrojtësit e mëdhenj të ndërhyrjes ushtarake të NATO-s si e vetmja mënyrë për t’i dhënë fund gjenocidit në Kosovë.

Kujtojmë se në vitin 2000, Robertson erdhi në Kosovë bashkë me Wesley Clark, ndërsa menjëherë pas kësaj vizite, në një shkrim autorial për Washington Post, kishte rikujtuar se si ndërhyrja e NATO-s ishte e domosdoshme dhe se komuniteti ndërkombëtar do të duhej të ishte i bashkuar.