Ironizon Vetëvendosje: Sjellë një mirënjohje nga NASSA për kryetarin e Gjilanit

Ironizon Vetëvendosje: Sjellë një mirënjohje nga NASSA për kryetarin e Gjilanit

Drejtues dhe aktivistë të Lëvizjes Vetëvendosje, Qendra në Gjilan, kanë organizuar një aksion simbolik para selisë së kryetarit të komunës së Gjilanit, Lutfi Haziri. Duke ironizuar, ata kanë vendosur para selisë së kryetarit një mirënjohje të madhe, gjoja nga NASSA, për kryetarin e Komunës Lutfi Haziri.

Krejt kjo ndërlidhet me një mirënjohje që ditë më parë Haziri kishte pranuar nga ambasadori i nderit, Dr. Otto F. Von Feigenblatt, e që sipas komunës është nga Shtëpia e Bardhë dhe nënshkruar nga presidenti i SHBA-ve Donald Trump, por që sipas Vetëvendosjes është veçse një mashtrim.

Luan Aliu, aktivistë i Vetëvendosjes, në Gjilan, duke folur me ironi ka thënë se të gjithëve u ka rastisur të dëgjojmë, që së fundi kryetari i Komunës së Gjilanit Lutfi Haziri, është nderuar me një çmim special nga presidenti i SHBA-së Donald Trump, për kontributin e tij të madh në shërbim të komunitetit. prandaj, me rastin e pranimit të këtij çmimi kaq dinjitoz, duam ta “falënderojmë” Lutfi Hazirin, për të gjithë kontributin e tij, dhënë për Gjilanin.

“Padyshim, do të fillojmë prej kontributit më të madh që ndonjëherë dikush do të kish mundur ta jepte, e që është procesi i decentralizimit, si rezultat i të cilit Gjilanit iu shkëputën plot pjesë vitale të saj. Ky madje është një proces mjaft mburrës për vet Lutën. E “falënderojmë” për të gjithë kundërmimin që na helmon akoma edhe sot, si pasojë e mungesës së trajtimit të ujërave të zeza. Për të gjitha gropat që shumë herë edhe kemi rënë në to, për të gjitha ndërtimet pa leje që e kanë katandisur qytetin, për të gjithë tenderët që i mbushën xhepat e dashamirëve më të mirë të tij”, ka vazhduar ironinë e tij, Aliu i Vetëvendosjes.

Gjithnjë duke folur në këtë frymë, Aliu ka thënë se “e falënderojnë”, Hazirin në emër të të gjithë fëmijëve që akoma vijojnë mësimet nën kushte minimale, në emër të të gjithë punëtorëve që i la pa bukën e gojës, sepse i nxjerrë nga puna për ti bërë vend militantëve të tij. E falenderojmë për krejt këtë degradim që i ka bërë qytetit tonë, e që padyshim është një kontribut kaq i madh nga ana e tij.

“Këtij kryetari komune, i cili u “dekorua” me këtë cmim, iu arrestuan dy drejtorë,të dy drejtorive shumë të rëndësishme, ai i Inspeksionit dhe ai i Urbanizmit, e ka nën akuzë drejtorin e një drejtorie tjetër mjaft të rëndësishme, asaj të Shërbimeve Publike, ndërsa pak orë pas ndarjes së kësaj “mirënjohje”, në media na shfaqen pamjet e arrestimit të ish-drejtorit të prokurimit në Gjilan, i cili po hetohet nga prokuroria edhe për asgjësimin e dosjeve për tenderë të ndryshëm në Gjilan, e që ishte dora e djathtë e Lutfi Hazirit”, ka thënë tutje Aliu.

Sipas tij, për këto dhe shumë arsye të tjera, ne i jemi shumë “mirënjohës” Lutfi Hazirit për gënjeshtrat e njëpasnjëshme që na I servon, në mesin e së cilave hyn edhe ajo e dhjetorit 2015, kur qarkulluan fotografitë e billboardit në Kanada, që I uronte mirëseardhjen madhërisë së tij, Lutfi Hazirit.

“Së fundmi patëm edhe mashtrimin e radhës për gjoja se është I vetmi kryetar komune I cili është bërë anëtarë I Parlamentit Global te Komunave, anëtarësim ky për të cilin Lutfi Haziri obligohet të paguajë çdo vit një shumë të caktuar, që bazohet në kokë të banorit. Në momentin që nuk paguhet anëtarësia, pushon edhe aktiviteti I tij Brenda këtij parlamenti. Duke qenë mirënjohës për kontributin e tij, në shenjë solidariteti me këtë cmim, kemi vendosur që të nisim një aksion për grumbullimin e 6 dollarëve sa ka kushtuar kjo “mirënjohje”, sepse kryetari Haziri e meriton që qytetarët t’ia shpaguajnë sadopak “kontributin” e tij për ne”, ka vazhduar Aliu në fjalën e tij përgjatë kesaj perfomance të Vetëvendosjes.

“Gjithashtu, sot i kemi sjellë një tjetër “mirënjohje”, që ka kushtuar diku rreth 8 dollarë, e që vjen nga administratori ekzekutiv i NASA-s, në shenjë falënderimi për kontributin e madh të tij për hapësirën. Sipas NASA-s, ekspertë të shumtë të saj, nëpërmjet satelitëve të vendosur në hapësirë, kanë arritur të detektojnë sinjale të vecanta, të cilat kanë ardhur pikërisht nga Lutfi Haziri, sinjale këto që japin shenja të një shpirti human dhe kontribues të qytetit të Gjilanit, ku pas një takimi urgjent, është dhënë edhe vendim që ti ndahet ”mirënjohje” personalitetit të madh të Lutfi Hazirit, por pavarësisht këtyre sinjaleve pozitive, fatekeqësisht disa nga to kanë qenë jo të mira, sepse kanë vërejtur që disa nga drejtorët që i shërbejnë Lutës akuzohen për korrupsion”, ka vazhduar me ironi, Aliu.

Por “mirënjohjet “ sikur të mos ishin mashtrime do të na gëzonin të gjithëve. Ka thënë ai, për të vazhduar se, “Kështu që z.Haziri, në vend të këtyre axhamillëqeve është mirë të filloj të mirret me punë të Komunës. Por, para se të përfundojmë, gjatë kësaj kohe na kanë ardhur disa telegrame urimi për kryetarin Lutfi Haziri, e që njëri prej tyre vjen nga presidenti i mashtrimeve, tjetri nga ish-ministri i punëve të jashtme, i cili është i njohur për nënshkrime të dëmshme si dhe një tjetër nga kryenegociatori I vet-shpallur, ndërsa mesa duket e përbashkëta e këtyre telegrameve është se që të gjitha kryetarit Haziri I dëshirojnë suksese në mashtrimet dhe falsifikimet e mëtutjeshme”, ka përfunduar Aliu, fjalën e tij ironizuese, që ishte pjesë e kësaj performance që Vetëvendosje e organizoi para selisë së kryetarit të Komunës, ku edhe lanë mirënjohjen në fjalë.

KOMENTE