IQZH në përpjekje të përditshme për t’u ardhur në ndihmë familjeve skamnore

/2L ONLINE/ – Iniciativa Qytetare e Zhegrës (IQZH), vazhdon me përpjekje të përditshme për t’u ardhur në ndihmë familjeve në varfëri të skajshme. Që nga fillim i iniciativës për ndihma familjeve në varfëri të skajshme, që janë mbushur plot 18 muaj nga shpërndarja e parë me artikuj ushqimor dhe mund të thuhet se deri më tani, me vullnetin e mirë të Kontributdhënësve, ështëi arritur që ndihmat me artikuj ushqimor mos t’u ndërpriten 10 familjeve nga Zhegra, Selishta, Biçakt, Malokt, Goden, Llashtica dhe Lipovica.

Në vitin e kaluar (2014), janë shpërndarë artikuj ushqimor e higjenik në mënyrë të rregullt, çdo të I-rin e muajit, në vlerë prej 6160.36 €, kurse në këtë vit (2015), për 6 muaj, në mënyrë të rregullt, janë shpërndarë artikuj ushqimor në vlerë prej 3116.73 € dhe, kuptohet, aksioni vazhdon.

Nevojat e skamnorëve janë të shumta, por IQZH ishte përcaktua për ndihma ushqimore që pak a shumë u ndihmonin për ta kalua muajin deri në shpërndarjen e radhës, kurse nga ky muaj, me përkrahjen edhe të Kryqit kuq të Gjilanit, ka fillua edhe me grumbullimin e veshmbathjeve dhe shpërndarjen e tyre, fillimisht për familjet në kushte të vështira, tani edhe për shumë familje të tjera që kanë nevojë për një ndihmë të tillë që do ua lehtësoj sadopak buxhetin e tyre familjar.

Prandaj, tash e tutje familjet në nevojë, do mund të shërbehen me veshmbathje në lokalin e z. Hamzi Dema (në afërsi të Ambulantes), i cili mundësojë të fillohet edhe këtë aktivitet për familjet në nevojë, duke shtyrë një projekt të vetin për një kohë të caktuar.

Lokali do jenë i hapur çdo të Shtune dhe të Diele nga ora 11:00 – 13:00, dhe pos shërbimeve për familjet në nevojë, të interesuarit mund të informohen me historikun e Iniciativës, organizimin, identifikimin e familjeve në varfëri të skajshme, listat e artikujve të shpërndarë, financimi, lista e kontributdhënësve, grumbullimi i fondeve por edhe transparenca që u siguron se kontributet shkojnë në vendin e duhur, paraprakisht të përcaktuar dhe në asnjë rrethanë nuk mund ta ndryshoj destinimin.

Në IQZH-së shpresojnë dhe besojnë se si deri më tash, nuk do të mungojë solidariteti për familjet në varfëri të skajshme, që për momentin, shpresën e vetme e mbështesin tek këto ndihma te të gjithë ata që janë kontribues në këtë Iniciativë bamirëse.

Për ata që dëshirojnë të bashkohen dhe bëhen pjesë e kësaj Iniciative, kontributin e tyre mund ta japin edhe në Lokalin e lartpërmendur ose në xhiro llogarinë:

IQZH Iniciativa Qytetare e Zhegrës
Banka Ekonomike e Kosovës sh.a.
Llog. 1406000005980561
Bic cod. ECOMRS21

Ju falënderojmë për bashkëpunim dhe kontributin tuaj

IQZH – Zhegër