Ipponi i Distria Krasniqit më i bukuri i vitit për femra

Xhudistet kosovare kanë bërë që mbarë bota ta shohë ndryshe Kosovën. Sukseset e tyre tashmë janë dëshmuar në mbarë globin, duke fituar medalje në të gjitha kompeticionet ku kanë marrë pjesë.

Ipponi i Distria Krasniqit në Kampionatin Botëror të xhudos që u zhvillua para një muaji në Japoni është zgjedhur si më i bukuri në kategorinë e femrave dhe i dyti në përgjithësi.

Në garën për medaljen e bronztë, Distria përplasi për tokë spanjollen Abelarda Martinez, duke fituar me një ippon shumë të bukur.