Interpretimi emocional i ngjyrës dhe temperaturës së këmbëve

Sikurse shprehjet e fytyrës ndryshojnë për të reflektuar humorin vazhdimisht në ndryshim, po kështu ndodh edhe me ngjyrën e këmbëve. Nuancat e përgjithshme tregojnë për ndjenjat mbizotëruese, ndërsa ngjyrimet e theksuara për emocione të ndryshme apo trazira të brendshme. Një mozaik me tone të përziera është më se i zakonshëm.

Ngjyrat e ndryshme kur këmbët janë të çlodhura, të tendosura apo të tensionuara, tregojnë për efektin e emocioneve të ndrydhura me forcë.

Ngjyrat e këmbëve

Ngjyrë e freskët – të shëndetshme, me besim në vetvete dhe në harmoni.

Të bardha – pa emocione dhe energji. Të dështuara. Të lodhura. Përpiqen shumë.

Të kuqe – në siklet, të ndrojtura, të inatosura apo të acaruara. Kanë nevojë të qetësohen.

Të verdha/portokalli – krejtësisht të ngopura. Të nxehura, të zemëruara dhe të fyera. Pikëpamje e errët për jetën.

Kaltëroshe/të purpurta – krenari e fyer, ego e rrëzuar dhe vetëbesim i dëmtuar. Tregon për një abuzim emocional apo fizik. Tregohuni të mirë me veten!

Jeshile – ambicie e skajshme, pakënaqësi e hidhur dhe mërzi. Shikoni për më të mirën!

Kafe – të mbyllur, të mërzitur apo të plotësuar.

Shenja të zeza – goditje të forta emocionale. Mendojnë se janë në rrezik apo vështirësi. Kanë nevojë të besojnë se çfarë ndodh në jetë!

Temperatura e këmbëve

Luhatjet e nxehtësisë së trupit që përcaktohen nga këmbët, tregojnë ndryshueshmërinë e intensitetit të ndjenjave dhe emocioneve.

Këmbë të ngrohta – shkëlqejnë me entuziazëm dhe energji të përmbajtur.

Këmbë të nxehta – të nxehura dhe të inatosura; me një nevojë për të shprehur emocione të paqarta dhe për të lëvizur me nxitim përpara.

Këmbë të ftohta – të zbehta, të pafuqishme, të qeta ose pa interes. Besimi i fillimit është zëvendësuar nga një ngurrim për të bërë lëvizjen e parë për shkak të “këmbëve të ftohta” në minutën e fundit. Edhe moti i keq mund të jetë jo motivues!

Gjatë refleksologjisë në mënyrë të pavetëdijshme shkaktohen shumë emocione. Njëra këmbë mund të ndihet e ftohtë akull, ndërsa tjetra digjet nga i nxehti. Për shembull, këmba e djathtë mund të ngrijë nga rishfaqja e kujtimeve nga e kaluara, emocionet e pazgjidhura; ndërsa këmba e majtë mund të jetë e nxehtë nga intensiteti i ndjenjave të çastit.