Interesohen për projektet e realizuara të programit LDF dhe projektit Interdev 2

Interesohen për projektet e realizuara të programit LDF dhe projektit Interdev 2

Komunën e Vitisë e kanë vizituar përfaqësues të ADA-së Austriak dhe UNDP-së të cilat janë njohur për së afërmi me disa projekte të cilat janë realizuar në kuadër të programit LDF dhe projektit Interdev 2 në komunën e Vitisë.

Po ashtu gjatë ditës së djeshme është mbajtur edhe një takim pune ku në veçanti është diskutuar mbi çështjet e ambientit si dhe mundësinë e vazhdimit të këtij projekti në Viti.

Gjithashtu në emër të komunës së Vitisë, zv. Kryetari Hasan Aliu, ka ndarë një falënderim për “ADA Coordintion Office”- Prishtinë.

Po ashtu përfaqësuesit e lartpërmendur kanë vizituar një qytetarë nga Pozherani i cili në kuadër të një projekti nga LDF gjatë vitit të kaluar ka qenë përfitues i një pajisje për bluarjen e eshtrave por edhe përfitues të serrave të cilat janë realizuar në kuadër të programit Interdev 2.

Përndryshe në këtë takim dje kanë marrë pjesë: Edith Mychalewicz, menaxhere e programit ADA nga Vjena e Austrisë, Sandra Wibmer, këshilltare e mjedisit dhe resurseve natyrore ne ADA- Vjenë-Austri, por edhe përfaqësues të tjerë nga Ambasada Austriake në Prishtinë.

Në këtë takim ka marrë pjesë edhe Vlora Elshani, menaxhere e projektit INTERDEV 2 si dhe Pavla Snajdrova nga UNDP.

KOMENTE