Inspektori Gjeneral, gjeneralmajor Irfete Spahiu vizitoi Inspektoratin e Mbrojtjes në Republikën e Kroacisë

Në kuadër të bashkëpunimit bilateral me Republikën e Kroacisë, Inspektori Gjeneral, gjeneralmajor Irfete Spahiu, me ekipin e saj, kolonel Lulzim Deliu dhe nënkolonel Ramiz Bytyqi, me ftesë nga Inspektorati i Mbrojtjes i Republikës së Kroacisë, kanë realizuar vizitë zyrtare në Inspektoratin e Mbrojtjes në Republikën e Kroacisë.

Me këtë rast, gjeneralmajor Spahiu është pritur nga Inspektori i Mbrojtjes, gjenerallejtënant Sinisa Jurkovic dhe ekipi i tij. Gjithashtu, gjatë kësaj vizite, gjeneralmajor Spahiu është pritur nga zëvendëskryeministri dhe ministri i Mbrojtjes së Kroacisë, Ivan Anusic, me të cilin kanë diskutuar për mundësitë e mbështetjes nga Ministria e Mbrojtës e Republikës së Kroacisë, për ngritjen e kapaciteteve të Ministrisë së Mbrojtjes dhe FSK-së.

Me pas, ekipet e Inspektoratit Gjeneral dhe Inspektoratit të Mbrojtjes, kanë zhvilluar takimin, ku janë bërë prezantimet nga të dyja palët për përgjegjësitë dhe detyrat e dy Inspektorateve dhe janë zhvilluar diskutime për mundësi të mbështetjes për ngritjen e kapaciteteve të Inspektoratit Gjeneral në Ministrinë e Mbrojtjes së Republikës së Kosovës.

Në kuadër të kësaj vizite, gjeneralmajor Spahiu dhe ekipi i saj, kanë vizituar qytetin e Vukovarit, ku kanë bërë homazhe dhe nderime për të rënët gjatë luftës për çlirimin e Kroacisë.  /2LONLINE/