Inspektorët e Komunës së Gjilanit në aksion për largimin e reklamave pa leje

Në Drejtorinë e Inspekcionit të Komunës së Gjilanit, thonë se po vazhdon me aksione të ndryshme në Komunën e Gjilanit, me qëllim zbatimin e ligjit.

Inspektorët kanë nisur me largimin e reklamave të vendosura pa leje në hapësirat publike.

Nga Drejtorati për Inspekcion, njoftojnë se një reklamë e madhe është hequr në rrugën ”Nëna Tereze” te rruga e Prishtinës në qendër të qytetit, derisa vazhdon largimi edhe i reklama tjera.

“Inspektorët me 13 mars i kanë vënë shirita dhe njoftim në shtyllën e kësaj reklame, duke e paralajmëruar pronarin e saj edhe për pasojat në rast mos veprimit. Derisa reklama është hequr nga personat të cilët e kanë vendosur”, thuhet në njoftimin e Drejtorisë së Inspekcionit.

Nga kjo drjetori thuhet se aksioni do të vazhdojë deri në largimin e të gjitha reklamave dhe gjësendeve tjera pa leje.   /2LONLINE/