Inspektorët e Inspekcionit në Gjilan gjobitën qytetarin, i cili ndërhyri në infrastrukturën komunale

“Inspektorët e Komunës së Gjilanit, po vazhdojnë me kryerjen e detyrave të saja në terren, sipas ankesave të qytetarëve”, thuhet në njoftimin e Drejtorisë së Inspekcionit në Gjilan,  sipas të cilës, një qytetar është ankuar se në rrugën “Qarkore” janë dëmtuar gypat e ujësjellësit dhe kanalizimit.

Pas inspektimit është konstatuar se është bërë ndërhyrje në infrastrukturën komunale, ku janë prerë gypat e rrjetit të ujit dhe kanalizimit. Pala e cila ka ndërhyrë në rrjetë është dënuar me 300 euro nga inspektorët.  Pala tjetër e dëmtuar, ka pasur leje për tu lidhur në gypat e ujësjellësit dhe kanalizimit”, thuhet tutje në njoftimin e kësaj drejtorie.

Nga Drejtoria e Inspekcionit u bëjnë thirrje qytetarëve të respektojnë ligjin, sepse në të kundërtën do të pasojnë masat ligjore. /2LONLINE/