Inspektorati Policor tani ka një identitet të fortë

Kryeshefi ekzekutiv i Inspektoratit Policor të Kosovës (IPK), Fitim Shishani, i cili më 6 maj e dorëzon mandatin, nga kjo pozitë ka bërë me dije se ky institucion ka arritur të krijojë një identitet të fortë vendor dhe ndërkombëtar.

Ai ka thënë se kjo është arritur falë një pune të madhe profesionale të personelit të IPK-së. Shishani në një intervistë për “Epokën e re” ka deklaruar se gjatë mandatit të tij pesëvjeçar prioritet kryesor i këtij institucioni ka qenë bashkëpunimi me qytetarët.