Inspektorati i Komunës së Gjilanit rrënon objektin e banimit të ish-sistemit në Zhegër

Inspektorati i Komunës së Gjilanit, ka rrënuar objektin e banimit të ish-punonjësve serbë që punonin në fshatin Zhegër.

Nga Drejtoria e Inspeksionit, tregojnë se është rrënuar një kujtim jo i mirë, për banorët e fshatit Zhegër.

“Zyrtarë nga Drejtoria e Inspeksionit, me kërkesë të Këshillit të Fshatit, ndërmorën iniciativën për rrënimin e objektit të ish-punonjësve serbë. ku kujtimet për këta objekte ishin kujtim traume për banorët e këtij lokaliteti. Ky objekt jashtë përdorimit, ishte edhe rrezik për qytetarët”, thuhet në njoftimin e komunës.

Inspeksioni kërkon nga qytetarët tē denoncojnë dukuritë negative dhe lagjet e qytetit dhe fshatrave të jenë më të pastërta.

“Kryetari i Këshillit Zhegër, Qahil Halili, falënderon kryetarin e Komunës së Gjilanit, Alban Hyseni dhe drejtorin e Inspekcionit, Isa Agushi, për punën dhe angazhimin e treguar në Zhegër”, thuhet tutje në njoftimin e komunës.

“Vlerësojmë përkushtimin dhe bashkëpunimin e kryetarit në shërbim të qytetarëve dhe për përmirësimin e rendit dhe kushteve në komunitetin tonë. Faleminderit për punën dhe mbështetjen”, tha Halili.  /2LONLINE/