Inspekcioni: Gjobitet biznesi, kamionët e të cilit zhytën rrugën dhe dëmtuan trotuarin

“Po vazhdojnë aktivitetet e inspektorëve komunalë, ku kanë shqiptuar gjobë për subjektin afarist, kamionët e secilës zhytën rrugën me baltë dhe dëmtuan anësoret dhe trotuarin në rrugën “Marie Shllaku””, thuhet në njoftimin e Drejtorisë së Inspekcionit në Gjilan.

Kjo drejtori ka bërë me dije se bazuar në ankesat e pranuara nga qytetarët, ka ndërmarrë veprime konkrete duke shqiptuar gjobë ndaj një subjekti afaristë, pasi që komionët e saj kanë ndotur rrugët përmes bartjes së baltës dhe kanë dëmtuar anësoret e trotuarin.

“Ftojmë të gjithë shoferët dhe operatorët që të respektojnë detyrimet ligjore dhe të tregojnë kujdes të shtuar në ruajtjen e mjedisit dhe pastërtisë publike. Rrugët dhe hapësirat publike janë pasuri e përbashkët dhe mirëmbajtja e tyre është përgjegjësi e secilit prej nesh”, thuhet në njoftimin e Drejtorisë së Inspekcionit të Komunës së Gjilanit.

Kjo drejtori bënë të ditur se inspektorët janë në terren dhe do të vazhdojnë me gjoba ndaj të gjithë atyre që ndotin mjedisin.  /2LONLINE/