INPO: KQZ t’u kërkojë certifikatën e mjekut kandidatëve për deputetë

Iniciativa për Progres (INPO) i ka dërguar Komisionit Qendror të Zgjedhjeve (KQZ) një rekomandim, përmes të cilit e sugjeron që t’u kërkojë certifikatën e mjekut kandidatëve të ardhshëm për deputetë të Kuvendit të Kosovës, transmeton Kosovasot.

Letra e INPO-s rekomanduese për KQZ-në

INPO duke pasur parasysh performancën e dobët të deputetëve të Kuvendit të Kosovës si dhe disa nga problemet me kandidatët e kaluar në zgjedhjet lokale, kërkon nga Komisioni Qendror Zgjedhor që në formularin e certifikimit të kandidatëve për deputet të kërkohet edhe certifikata e mjekut për aftësinë mendore të kandidatit për deputet.
Nga ky kriter do të mund të përjashtoheshin të gjithë kandidatët të cilët paraqesin si dëshmi patent shoferin (meqë për marrjen e patent shoferit, kandidati duhet të paraqes certifikatën e mjekut).