Iniciativë e mësimdhënësve për të dhuruar gjak

/2L ONLINE/ – Sipas një njoftimi që ka bërë Drejtoria e SH.M.P. “Jonuz Zejnullahu” në Viti, me rastin 7 Marsit- Ditës së Mësuesit, personeli i kësaj shkolle të mesme profesionale do të organizon aksion për dhurimin vullnetar të gjakut më 07.03.2016 e hënë prej orës 11:00, në objektin e Shkollës.
“Mësimdhënësit, gjithmonë kanë dhënë mund, djersë dhe dije në edukimin dhe arsimimin e gjeneratave të shumta, por vullneti për ndihmë asnjëherë nuk ka munguar kështu që stafi I shkollës ka shprehur gatishmërinë edhe për dhurimin e gjakut , në mënyrë që të ndihmoj të gjithë ata që kanë nevojë dhe kështu të shpëtoj jetë”, thuhet në këtë njoftim.

Këtij aksioni, mund t’i bashkëngjitet kushdo që mund dhe shprehë vullnetin për të dhuruar gjak; mësimdhënës të shkollave tjera, përfaqësues institucionesh apo edhe qytetarë. /2L ONLINE/

/fotoilustruese/