Inaugurohet këndi i lodrave në Strehimoren “Liria”

Mimoza Kadriu Qerimi, drejtoreshë e  Drejtorisë së Shëndetësisë dhe Mirëqenies Sociale (DSHMS) të Komunës së Gjilanit, ka bërë me dije se gjatë inaugurimit të këndit të lodrave në Strehimoren “Liria”, projekt i realizuar me mbështetjen e Zyrës Turke në Kosovë, u theksua se ky kënd shërben për lojë, zhvillim dhe rehabilitim emocional të fëmijëve të strehuar, duke u ofruar atyre një hapësirë të sigurt ku mund të argëtohen, të socializohen dhe të ndihen të mbrojtur.

“Shprehim mirënjohjen dhe falënderimin tonë për Zyrën Turke në Kosovë për kontributin e çmuar, si dhe për stafin e Strehimores “Liria” për përkushtimin dhe punën e palodhshme në ofrimin e kujdesit dhe mbështetjes për gratë dhe fëmijët”, ka thënë drejtoresha e DSHMS-së, Mimoza Kadriu Qerimi.

Sipas saj, çdo investim në mirëqenien e fëmijëve është një investim për një të ardhme më të sigurt dhe më të mirë.  /2LONLINE/