Imrane Shahiqi në krye të Forumit të Gruas të AKR-së

/2L ONLINE/ – “Kuvendi i Forumit të Gruas i IV me radhë i AKR-së, Dega në Gjilan, ishte vërtetë madhështor me pjesëmarrje të gjerë të nënave, motrave, vajzave te reja të të gjitha profileve. Gjlanaset dëshmuan me pjesëmarrjen e tyre të madhe (më shumë se 180 pjesëmarrëse në Kuvend), se janë mbështetje e fuqishme e AKR-së, pjesë e rëndësishme dhe me rol të veçantë në fuqizimin e partisë dhe politikave të saja”, vlerësojnë drejtuesit e këtij subjekti politik.

Kuvendin e përshëndetën Koordinatori i Degës me një fjalë rasti Ismet Hajdini, Vesel Makolli Koordinator i AKR-së në nivel qendror për Degët, Islam Pacolli Drejtor në Mabatex dhe Koordinatorja e AKR në nivel qendror për Forumet e Gruas Mirlinda Gashi.

Delegatë me aklamacion votuan për Kryetare të Forumit të Gruas, Imrane Shahiqi, Drejtoreshë në Radiostacionin lokal Viktoria, një grua me vlera, punëtore dhe e suksesshme në udhëheqje dhe në menaxhim e dëshmuar në shumë aspekte.

Kryetarja Imrane Shahiqi në një fjalë rasti përshëndeti delegatët dhe i falënderoi për besimin e dhënë që ajo të jetë udhëheqëse e Forumit të Gruas të AKR-së në Gjilan, dhe premtoi se do të jetë e hapur dhe bashkëpunuese me të gjitha gratë që do ta kenë gjithë hapësirën e duhur për të vepruar që idetë, mendimet e tyre të dëgjohen dhe të përkrahen çdo herë dhe që gjithë së bashku të bashkuara ta rrisin dhe ta fuqizojnë edhe më tutje rolin e Gruas në vendimmarrje e që zëri i tyre të dëgjohet, respektohet më tepër.

Po ashtu delegatët zgjedhën dhe votuan Nënkryetaret, Sekretaren, Kryesin e re që do të udhëheq për një mandat me Forumin e Gruas të AKR-së.

1. Imrane Shahiqi Kryetare
2. Vjollca Gagica Matoshi Nënkryetare
3. Shpresa Avdiu Mehmeti Nënkryetare
4. Kadrije Shehu Sekretare
5. Klodona Krasniqi Anëtare e Kryesisë
6. Merita Hyseni
7. Flutura Sylejmani
8. Elizabeta Abazi
9. Nazlie Behluli
10. Shqipe Masurica
11.Drita Ramadani
12.Labinota Ramadani
13.Lumturije Bajraliu
14.Arta Halimi
15.Drita Gjinolli