Imami premton mbështetje në Kuvend për Zyrën për Preshevë, Medvegjë e Bujanoc
/2L ONLINE/ – Zgjedhja e Gentiana Shabanit për Koordinatore të zyrës për Preshevë, Medvegjë, Bujanoc në Komunën e Gjilanit, po mirëpritet jo vetëm nga strukturat dhe anëtarësia e subjektit tonë politik, por edhe nga shtresa të ndryshme të shoqërisë, nga intelektualë e personalitete të çmuara të komunës, pavarësisht përkatësisë politike-partiake, thuhet në një njoftim të Lëvizjes Qytetare Vatra.
Ndër vizitat e shumta që ka pas këto ditë në Zyrën për Preshevë, Bujanoc e Medvegje, për t’i uruar dhe ofruar përkrahje koordinatores të porsazgjedhur Gentiana Shabani është edhe ajo e Renan Imamit- anëtar i Kuvendit Komunal të gjilanit, nga komuniteti turk.
Gjatë këtij takimi koordinatorja Shabani falënderoi Imamin për përkrahjen e tij konstante që i ka dhënë Zyrës për Preshevë, Medvegjë dhe Bujanoc, përderisa Imami uroi zgjedhjen e Gentiana Shabanit për koordinatore dhe ofroi përkrahje për pikat që duhet ngritur në Kuvendin e Gjilanit nga ajo. /2L ONLINE/