Ilir MUSTAFA, ai kishte pasion…!Ilir Mustafa

Ilir MUSTAFA, ai kishte pasion…!

Sot, kur nga kjo botë u nda Ilir Mustafa, Skofiari, dhe njeriu më i dashuruar në qytetin e tij Gjilanin.

Shkruan: Qazim A. Azizi.

Kishte një kohë të gjatë që Iliri me një vullnet të pashoq e kishte luftuar edhe sëmundjen e tij, dhe familjarët, shokët, miqtë dhe të gjitha ata që e njihnin për më rezistentin kishin besim që ai lehtësisht do ta kalonte këtë vështirësi jetësore, sepse ishin mësuar që ai vështirësinë ta shihte në sy, si trembej asnjëherë, i qeshte në fytyrë edhe dhimbjes.

Rrugën prej një njeriu të lirë siç edhe vet ishte I-lir, nuk e kishte të lehtë si edhe të gjithë patriotët, veprimtarët dhe shtetndërtuesit e Kosovës (e Iliri ishte i pasionuar për shtetin e tij).

Ai për këtë e bëri këtë rrugëtim të gjatë që nga rezistenca e parë si student, në auditoret e Fakultetit Juridik gjatë viteve “81, 82, pastaj në aktivitetin dhe organizimin e palodhshëm të viteve të “90-ta të gjithçkaje që ishte drejt lirisë dhe pavarësimit të vendit.

Gjilanasit, e të gjithë ata që një herë a kanë takuar, e njohën menjëherë rrezatimin prej njeriu të paepur për liri dhe drejtësi. Ishte Iliri ai, që jo vëtëm këtu në Kosovë, por,të drejtën e tij për të jetuar si qytetar i Europës së lirë e kërkoi edhe në Francë (nga gjysma e dytë viteve nëntëdhjetë)personalisht tregoi se çka do të thot njeri rezistues edhe kërkues i të drejtës elementare për njeriun, lirinë.E shokët, veprimtarët, miqtë por edhe “armiqtë”kishin respekt për Ilirin.

Latinët e vjetër,kur vdiste dikush, pyesnin:

A kishte pasion ky njeri ?

Nëse përgjigja ishte, po kishte pasion, ata thonin:

Ky njeri s’ ka vdekur, Iliri është njëri nga ta, njeri me pasion, ai s’ ka vdekur!

Ky artikull nuk pasqyron qëndrim editorial të redaksisë! Për më tepër, ju lutem lexoni kushtet e përdorimit.

KOMENTE