Ilda Nuhiu triumfon në “Tallinn Voice” – dy çmime të para dhe fitore në kategorinë “Winners” për Kosovën

Këngëtarja kosovare Ilda Nuhiu ka arritur një sukses të rëndësishëm në skenën ndërkombëtare të muzikës, duke u shpallur fituese e dy çmimeve të para në kategorinë e saj, si dhe fituese e çmimit kryesor në kategorinë “Winners” në festivalin “Tallinn Voice”, i mbajtur në Tallinn të Estonisë.

Në një garë me pjesëmarrës nga vende të ndryshme të botës, ilda u dallua për interpretimin e saj vokal dhe performancën artistike, duke bindur plotësisht panelin ndërkombëtar të jurisë dhe duke marrë vlerësimin maksimal me pikë. Ky rezultat e renditi atë në vendin e parë brenda kategorisë së saj, si dhe në krye të kategorisë “Winners”, e cila përmbledh fituesit më të spikatur të festivalit.

Ky sukses shënon një moment të veçantë edhe për Kosovën, e cila për herë të parë mori pjesë në këtë festival ndërkombëtar. Përmes interpretimit të saj, Ilda Nuhiu  jo vetëm që u vlerësua me çmime të larta, por gjithashtu përfaqësoi denjësisht vendin e saj në një skenë prestigjioze evropiane, duke ngritur flamurin e Kosovës mes artistëve nga e gjithë bota.

Fitorja e saj konsiderohet një arritje domethënëse për muzikën kosovare dhe një dëshmi e talentit të artistëve të rinj që po afirmohen gjithnjë e më shumë në arenën ndërkombëtare. /2LONLINE/