Iftar i organizuar nga KBI në Gjilan për veteranët, invalidët e luftës dhe familjet e dëshmorëve

Sonte, Këshilli i Bashkësisë Islame në Gjilan organizoi një iftar të veçantë për veteranët e luftës, invalidët e luftës dhe familjet e dëshmorëve, në shenjë respekti dhe mirënjohjeje për sakrificën dhe kontributin e tyre të çmuar në periudhat më të vështira të vendit tonë.

Me këtë rast, kryetari i KBI-së në Gjilan, Naim ef. Aliu, mbajti një fjalë përshëndetëse, ku shprehu falënderimet dhe vlerësimin e thellë për gjithë kontributin dhe sakrificën e tyre. Në fjalën e tij ai theksoi rëndësinë e muajit të shenjtë të Ramazanit si muaj solidariteti, reflektimi dhe bashkimi, duke nënvizuar se respekti dhe kujdesi ndaj atyre që sakrifikuan për lirinë e vendit duhet të jetë gjithmonë i pranishëm në shoqërinë tonë.

Në emër të veteranëve të luftës, invalidëve dhe familjeve të dëshmorëve, një fjalë rasti mbajti komandanti Ahmet Isufi, i cili falënderoi Këshillin e Bashkësisë Islame në Gjilan për organizimin e këtij iftari dhe për vëmendjen e vazhdueshme ndaj kategorive të dala nga lufta.

Ky organizim u zhvillua restorant Elton në një atmosferë të ngrohtë vëllazërore dhe respekti të ndërsjellë, duke dëshmuar edhe njëherë lidhjen e fortë ndërmjet institucioneve fetare dhe kontributdhënësve për lirinë dhe dinjitetin e vendit. /2LONLINE/