Ibrahimi: Rruga e Zabelit, 1.2 kilometra, do të bëhet me asfalt, ndriçim e trotuar
“Kanë nisur punimet për asfaltimin e rrugës “Mulla Idrizi” apo Rruga e Zabelit. Pos asfaltimit, do të rregullohet edhe ndriçimi dhe trotuari”, ka thënë Kushtrim Ibrahimi drejtor i Drejtorisë për Shërbime Publike në Komunën e Gjilanit, i cili ka parë ecurinë e punimeve.
Ai tha se kanë nisur punimet për asfaltimin e rrugës me një gjatësi prej 1 mijë e 236 metrash dhe gjerësi prej 6 metrash.
“Pos asfaltimit do të bëhet edhe ndriçimi i tërësishëm dhe do të ndërtohet edhe pjesa trotuarit e cila nuk ishte rregulluar”, tha drejtori Kushtrim Ibrahimi.
Ai tregoi se vlera e këtij projekti është mbi 310 mijë euro. /2LONLINE/