Ia japin ambasadorit listën me probleme që i kanë të dëbuarit nga Kosova Lindore

/2L ONLINE/ – Ambasadori i Republikës se Shqipërisë, Qemajl Minxhozi priti sot përfaqësuesit e “Lëvizjes Qytetare Vatra” me seli në Gjilan, kryesuar nga Kushtrim Kadriu, Bashkim Mehmeti e Agim Sopi. Gjatë takimit u diskutua për problemet e qytetarëve të dëbuar nga Kosova Lindore që jetojnë në Kosovë, ku përfaqësuesit e Lëvizjes”Vatra” i dorëzuan ambasadorit një liste të problemeve me të cilat ballafaqohen qytetarët e dëbuar nga Kosova Lindore, e që jetojnë në Kosovë, me theks të veçantë problemet e pajisjes me dokumente të identifikimi, problem ky që po i preokupon qytetarët e dëbuar nga Kosova Lindore tash e 16 vite.

Kushtirm KAdriu ka bërë me dije se ambasadori Mingjozi ka shprehur gatishmërinë që problemet e qytetarëve të dëbuar nga Kosova Lindore të ngriten në instancat më të larta të Republikës së Shqipërisë. “Ambasadori Mingjozi u zotua se do të angazhohet maksimalisht për gjetjen e një zgjedhje të përhershme të këtyre problemeve me të cilat po ballafaqohen qytetarët e dëbuar me dhunë nga shtëpitë e tyre”, ka thënë Kadriu. /2L ONLINE/