I mbushin gropat në rrugë, kritikojnë Lutën (FOTO)

/2L ONLINE/ – Iniciativa e Qytetarëve të fshatit Pogragjë shprehë revoltën e saj ndaj pushtetit komunal gjegjësisht kryetarit Lutfi Haziri-Luta, I cili gjate fushatës elektorale pat premtuar se me prioritet do ta trajton rrugën e fshatit Pogragjë-Gjilan, mirëpo deri me tani kemi vetëm fjalë boshe dhe jo vepra.

“Po I kujtojmë se në mandatin e tij si kryetar komune, ai po mburret me trajtimin e rrugëve të rendit të trete në fshatrat, Kokaj, Zahiraj e Muhaxhirë, mirëpo e ka harruar rrugën kryesore Pogragjë-Gjilan. Ne, banoret e fshatit Pogragjë kemi dalë vullnetarisht, dhe me mjetet vullnetare të banorëve, që t’i mbushim gropat e pakalueshme në këtë rrugë, edhe pse këtë punë do të duhej ta bëjë pushteti i cili është përgjegjës por ja që nuk p ndërmerr asgjë”, thuhet në ktë rragim.

E njëri ndër ata të cilët banorë që ndërmori këtë iniciativë, është edhe Zeqirja Emini që thotë se po mundohen t’i mbulojnë këto gropa e të përmirësojnë këtë rrugë, që me pamje i ngjason një rruge të mesjetës e jo siç duhet të jetë, rrugë e shekullit 21.

Sipas tij, pamjet flasin vet, por se beson shumë që këto pamje do të trokasin në ndërgjegjen dhe përgjegjësitë e kryetarit të komunës sepse e ka obligim ligjor dhe moral.

“Ne po I kujtojmë kryetarit Haziri se po mundohemi të kryejmë obligimet tona ndaj tatimit në pronë dhe obligimet tjera komunale, po e paguajmë dhe taksen rrugore gjatë regjistrimit të veturave, andaj kërkojmë me ngulm që në muajin tetor, rruga jonë të jetë e riparuar në të kundërtën detyrohemi të ndërmarrim masa tjera”, thotë Emini.

Edhe Shkelqim Latifi ish keshilltar komunal thotë se që nga ardhja në pushtet e Lutfi Hazirit, banorët e fshatit Pogragjë disa herë kanë ndërmarrë iniciativa të tilla, në sezonin e pranverës dhe vjeshtës atëherë kur gropat dalin në sipërfaqe dhe gjatë verës kur kemi ardhjen e bashkatdhetarët, kur shtohet fluksi në trafik,

“Si një i shqetësuar për këtë gjendje ekzistuese të rrugës i bëjë thirrje kryetarit të komunës që urgjentisht të ndërmerr masa për mbushjen e gropave, apo riparimin e tërësishëm të kësaj rruge që tërësisht është e degraduar”, ka thënë Latifi. /2L ONLINE/