I kallet ara me grurë

/2L ONLINE/ – Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se një qytetar serb, shtetas i kosovës, (1953), ka shkuar në stacionin Policor në Kamenicë dhe ka raportuar se në fshatin Koretin ka ndodhë një zjarr në arën e tij të mbjellë me grurë.

Hashani tha se njësitet e zjarrfikësëve kanë dalë me urgjencë në vendin e ngjarjes duke intervenuar dhe duke lokalizuar zjarrin.

“Menjëherë në vend ngjarje ka dalë edhe patrulla policore së bashku me njësinë e hetimeve, si dhe inspektorin e Bujqësisë, kanë bërë shikimin e vendit të ngjarjes, është konstatuar se aty ishte një sipërfaqe nga 40 Ari grurë të mbjellë, mirëpo sipas inspektorit në fjalë, janë dëmtuar 6-7 Ari, vlera e dëmit sipas pronarit është 100 euro”, ka thënë zëdhënësi Hashani.

Nga ana e policisë së Kosovës po hetohen shkaqet e zjarrit. Në lidhje me rastin është kontaktuar prokurori i shtetit i cili urdhëron qe rasti të cilësohet “Zjarrvënie” dhe ti dedikohet Njësisë së hetimeve. /2L ONLINE/

/fotoilustirm/