I dorëzohet familjes Hoxha pllaka me emrin e shkollës “Nazmi Hoxha”

/2L ONLINE/ – –Kryetari i Komunës së Gjilanit, Lutfi Haziri, i shoqëruar nga nënkryetari Rexhep Kadriu dhe shefi i GK të LDK-së në Kuvend, Avdyl Aliu, ia ka dorëzuar sot familjes Hoxha nga Cërnica e Gjilanit, pllakën për emërtimin e shkollës fillore tek “Kodra e Dëshmorëve” me emrin patriotit, ish-të burgosurit politik dhe udhëheqësit për lirinë e shqiptarëve, Nazmi Hoxha.

Pasi ia dorëzoi pllakën e emërtimit bashkëshortes së Nazmi Hoxhës, Zijaveres, kryetari Haziri tha se ky emër i bënë nderë Gjilanit dhe Anamoravës dhe se nxënësit e kësaj shkolle do mësojnë me krenari në këtë institucion të dijes.

Nga ana e saj, bashkëshortja e Nazmi Hoxhës, Zijaverja, e ka falënderuar kryetarin Haziri për nderin dhe respektin që ka treguar duke e emërtuar shkollën fillore në“Kodrën e Dëshmorëve” me emrin e tij, i cili la gjurmë të pashlyeshme në historinë e Kosovës si udhëheqës për lirinë e shqiptarëve. /2L ONLINE/