Hyseni thirrje qytetarëve – Aty ku është e nevojshme shfrytëzoni rrugët alternative deri në stabilizimin e plotë të situatës

“Për shkak të reshjeve dhe situatës së krijuar në disa segmente rrugore, bashkë me ekipet komunale jemi në terren dhe po e përcjellim nga afër gjendjen në gjithë territorin e Gjilanit”, ka thënë Alban Hyseni, kryetar i Komunës së Gjilanit.

Ai bëri me dije se Drejtoria për Mbrojtje dhe Shpëtim, në koordinim me Drejtorinë e Shërbimeve Publike, ka intervenuar në disa pika problematike dhe po vazhdon monitorimin e vazhdueshëm për të garantuar sigurinë e qytetarëve dhe funksionimin normal të qarkullimit.

“U bëj thirrje qytetarëve që të tregojnë kujdes të shtuar gjatë lëvizjes dhe aty ku është e nevojshme, të shfrytëzojnë rrugë alternative deri në stabilizimin e plotë të situatës”, ka thënë i pari i Gjilanit, Alban Hyseni. /2LONLINE/