Hyseni: Rrugën “Hamdi Kurteshi”, po e kthejmë në një rrugë model për qytetin, derisa ishte pothuajse jofunksionale
“Për vite të tëra rruga “Hamdi Kurteshi”, ishte në gjendje të mjerueshme, ndërsa tash kjo pjesë ka marr pamje krejt tjetër. Kjo po ndodh pas investimeve që po bëhen e që kapin vlerën e rreth 2.4 milionë eurove”, ka thënë Alban Hyseni, kryetar i Komunës së Gjilanit.
Ai tha se tani më lumi është mbuluar, është asfaltuar rruga me katër korsi, po bëhen trotuare në të dy anët, shteg për biçikleta dhe infrastrukturë nëntokësore.
Kryetari i Komunës tha se për 21 vjet, rruga “Hamdi Kurteshi”, ishte pothuajse jofunksionale, e stërvjetruar, e ngarkuar me kolona dhe me kundërmim kanalizimi.
“Brenda mandatit tonë qeverisës po e transformojmë dhe po e kthejmë në një rrugë model për gjithë qytetin”, tha kryetari Hyseni. /2LONLINE/
