Hyseni: Rinovimi i palestrës së sportit në Gjilan po vazhdon me intensitet të lartë

“Po vazhdojnë punimet në palestrën e sporteve, ku pritet që ky objekt të marr një pamje krejtësisht tjerë, si brenda, po ashtu edhe jashtë”, ka thënë kryetari i Komunës së Gjilanit, Alban Hyseni.

Sipas tij, rinovimi i palestrës së sportit “Bashkim Selishta”, në Gjilan po vazhdon me intensitet të lartë.

Ai shtoi se aktualisht po punohet në pjesën e jashtme të objektit, përfshirë rrethimin e tribunave dhe sistemimin e hapësirës përreth.

I pari i Gjilanit, tregoi se ndërkohë, dritaret dhe fasada e jashtme janë në prodhim dhe pritet të montohen së shpejti.

“Ky projekt po realizohet me përkushtim, si investim në sportin lokal dhe të ardhmen e të rinjve të qytetit”, tha kryetari Alban Hyseni.  /2LONLINE/